البلو هول و البلو لاجون و ابو جالوم

✅ رحلة البلوهول و أبوجالوم والبلولاجون:

بنتحرك بالعربية من ٩:٣٠ص من الفندق لحد محمية البلوهول، بنقعد في الكافيه نجهز عدة الاسنوركلنج وبننزل ناخد راوند اسنوركلنج وبنطلع نجهز حاجتنا ونركب الزودياك تلت ساعة في البحر لحد محمية أبو جالوم وبننزل هناك، بعدها بناخد عربية للبلو لاجون عشان نروح نقعد نستجم على الشط الرملي الأبيض الناعم وسط الجبال والطبيعة نشرب حاجة وننزل الماية اللي لونها فيروزي ومش عميقة وبعدين بنرجع أبو جالوم نتصور ونركب الزودياك تاني لحد البلوهول وبنقعد في الكافيه بتاعنا شوية ونسلمهم عدة الاسنوركلنج وبعدين بتاخدنا العربية اخر النهار ترجعنا الفندق.

‏‎السعر يشمل [كل الانتقالات+الزودياك+دخول الأماكن وتيكيت دخول المحميات +جايد الاسنوركلنج+ماسك الاسنوركلينج]

السعر لا يشمل الغدا ولا المشروبات ولا اللايف چاكت ولا اي قطع اسنوركلنج غير الماسك ولا يشمل مينمم القعدة في كامب البلولاجون (من ٥٠ لـ ١٠٠ جنيه) وبناخد بيهم مشروب وبنسفيد بالمكان وخدماته عشان بنقضي اغلب اليوم هناك.